[時事分享星期一]
今日講啲令人唔順超嘅嘢－常識科時事題。
令人唔順超嘅嘢有好多，其一係佢哋嘅出題方向。
其實睇得多試卷就會知，學校嘅時事題有幾樣嘢唔會出：一﹑政治議題(頂盡問你新一任行政長官係邊個/拎到幾多票)，因為太敏感，一表現到任何政治立場就好容易出事；二﹑國情議題(尤其是負面果堆)。三﹑人倫問題，是關宗教團體同婦女團體長期等緊位入你。咁響咁多嘢唔問得嘅情況下，佢地只好問一啲無關痛癢嘅資料性問題。例如：2017年10月中果個颱風叫咩名？林鄭想推果個交通津貼有幾錢？
真心，老師考時事嘅目的，唔係想培養學生了解時事嘅習慣咩？而了解時事嘅目的，唔係為咗知道個社會發生緊嘅變化咩？借問聲，單純記低喱啲無關痛癢嘅資料，對個細路仔有咩幫助？而果堆唔考嘅嘢，係咪反而幫到個細路仔了解社會，甚至係世界嘅走向呢？
所以，響度奉勸大家，與其迫仔仔女女死背果堆冇用嘅人名﹑數字，不如好好咁同佢地坐低，傾下喱個社會﹑世界究竟變成點。
果一分半分時事題，豪畀佢啦！
#BenSir #BenSir同你學教仔 #要儲嘅係思考角度 #而唔係冇用嘅文字數字
Search